Recreos cheos de vida

 Ola blogueiras e blogueiros!!

O prometido é deuda!! Ahí vai un vídeo resumo deste primeiro trimestre de Recreos cheos de vida!! Tamén aproveito para darvos as grazas a todas as persoas que facedes posible todo isto, GRAZAS!!

Agardo que vos guste!!

3 de decembro: Día Internacional da discapacidade

 Ola de novo!

O 3 de decembro celebrase o Día Internacional da discapacidade, para iso aproveitamos para propoñervos este xogo interactivo: ONCITY, EL VIDEOJUEGO QUE NOS HACE IGUALES, que elaborou a ONCE.

O obxectivo deste paseo virtual, interactivo e entretido é concienciar e invitarnos a empatizar coas persoas que teñen algún tipo de discapacidade (visual, auditiva, física ou intelectual), a través dunha experiencia inclusiva. Por exemplo, con letras ultra grandes e fortes contrastes (como xogaría unha persoa con discapacidade visual), sin volumen nin sinales sonoras (como xogaría unha persoa xorda), ou interactuando coa pantalla coa barbilla ou co cóbado (como xogan moitas persoas con discapacidade física ou motriz).

 Agardamos que o disfrutedes!!

Celebración do 25 N

 Boas blogueiras e blogueiros!!

Esta semana co motivo do 25N estivemos facendo diferentes accións para concienciación sobre a importancia da eliminación da violencia de xénero. Para iso todo o alumnado, especialmente o de Ed. Infantil, participou na creación da pancarta deste día, a cal leva por título: "Da prehistoria ao presente a violencia de xénero non ten lugar en ningún tempo".

O luns 25 de novemebro, todo o  alumnado de 3º, 4º, 5º e 6º de Ed. Primaria, participou nun obradoiro no que se abordaron os estereotipos ou mitos entre homes e mulleres, as desigualdades... que impartiron Marta e Fabi (de Cruz Vermella), as cales agradecemos a súa presenza e colaboración!!

Tamén destacar que ao longo da semana na hora de lectura o alumnado de 6º, que previamente estivo elaborando diferentes traballos sobre o 25N, foi expoñelos as diferentes aulas de infantil e primaria. Aquí tedes podedes ver o ben que o fixeron.

 Grazas a todas e todos pola vosa colaboración e participación!!!

Convivencia contra o Acoso e Violencia escolar

Moi boas!

Como vos anticipábamos dende o CEIP de Ponte Sampaio quixemos unirnos ao Día Internacional Contra a violencia e o acoso escolar, incluíndo o ciberacoso. Para iso, Clara e Fabi (voluntarias de Cruz Roja) nos propuxeron unha mañá do máis entretida, onde todos e todas puidemos participar, en forma de charla, dinámica ou xogo.

Aquí vos deixamos unha mostra das actividades, agardamos que vos guste!!

 

7 de novembro: Día Internacional contra a Violencia e o Acoso Escolar

 Ola blogueiros e blogueiras,

Co obxectivo de sumarnos a celebración do Día Internacional contra a violencia e o Acoso Escolar, incluíndo o ciberacoso, dende o CEIP de Ponte Sampaio temos prevista para maña unha xornada de reflexión sobre a temática. Para iso contaremos coa colaboración das técnicas de Cruz Vermella.

Así tamén, vos proporcionamos aquí máis información! E animarvos a que leades algunha destas Lecturas contra o acoso escolar.

Ata a próxima!

Benvidos e benvidas ao curso 24-25!!

 Boas blogueiras e blogueiros!!

Estamos xa nun novo curso cheos de ilusión e con moitas gañas de disfrutar, aprender moitas cousas e divertirnos!

Co novo inicio desta tempada, comezou o proxecto deste curso no CEIP de Ponte Sampaio Pegadas na historia  e os Recreos cheos de vida. Agardamos que nesta andaina aprendamos moitas cousas xunt@s!!

Arrancamos motores...

Actividades marzo e abril!

 Ola blogueiros e blogueiras!!

Nesta entrada tedes un resumo das actividades dos meses de marzo e abril dos nosos Recreos cheos de vida con moitas NOVIDADES, !! Agardamos que vos guste!!

Achegámonos ao Braille

Ola de novo!! 

 Nesta nova entrada, informámosvos dunha actividade que se estivo desenvolvendo ao longo das pasadas semanas do mes de abril. No CEIP Ponte Sampaio, puidemos contar con material en préstamo da ONCE e complementándoo con material que se tiña e se elaborou no cole fixemos unha pequena exposición sobre o Braille. 

Para profundizar máis sobre a actividade, ademais de visitar a exposición (onde se poderían atopar diferente información sobre este método de comunicación, coñecer a Braillín, a máquina Perkins e outros materiais adaptados que as persoas con discapacidade visual necesitan), fixemos un achegamento a través de contos como Sofía la golondrina ou El hombre más valiente del mundo e diferentes dinámicas para coñecer o alfabeto braille (recoñecer o seu nome escrito en braille coa axuda do alfabeto, para os máis pequeniños ou escribir apoiándose no alfabeto braille diferentes deportes que se lle daban nunha plantilla e logo intentar recoñecelos).

 Con esta iniciativa agardamos poder contribuír a unha sociedade máis empática, onde todos e todas somos especiais e contamos con diferentes recursos que nos poden axudar a cada unha de nós dun xeito ou outro, respetando e valorando as nosas diferenzas.

Grazas a todos e todas por participar!!

Día Mundial de Concienciación sobre o autismo

 Ola blogueiros e blogueiras!

O pasado 2 de abril celebrouse o Día Mundial de Concienciación sobre o autismo. Seguindo a Campaña deste ano baixo o lema "más cerca de lo que crees", dende o CEIP Ponte Sampaio quixemos aportar o noso pequeno gran a crear unha sociedade máis empática e solidaria, para iso fixemos nalgunhas aulas a dinámica "contoche un conto", visionado de curtametraxes e os nosos propios infinitos.

Grazas por estar ahí!!

Encontro Provincial con Enki!

 Ola de novo!

Como xa sabedes o pasado 7 de marzo estivemos participando no Encontro Provincial de Deporte Adaptado con Enki. Unha experiencia do máis chula!!

Podedes ver a continuación unha pequena mostra dos deportes adaptados que puideron practicar o noso alumnado de 4º, 5º e 6º de Ed. Primaria.

Celebración da Semana da Prensa e do 8 M

 Ola blogueiros e bloqueiras!!

Este mes de marzo estivo cargado de actividades, entre elas a celebración da Semana da Prensa e do Día Internacional da Muller. Esta vez, seguindo coa linea do proxecto do centro, investigamos na prensa as noticias deportivas analizando que tipo de noticia, deportes, número de aparicións de deportistas masculinos e femininos, tamaño da noticia... atopando curiosas conclusións.  Traballo que fomos completando no noso taboleiro especial de noticias.

Por outra banda, para celebrar o 8M e completar co traballo en prensa, propuxemos ao noso alumnado unha interesante proposta, unha investigación onde todo o cole se mergullou investigando as nosas deportistas e facendo unha exposición colaborativa entre todos os cursos de Ed.Infantil e Primaria do máis chula!!

A continuación, déixovos cun pequeno resumo de todo o que aquí vos conto. 

Agardo que vos gustara e ata a próxima!!

Recreos cheos de vida!

Ola blogueiras e bloqueiros!!

Aquí vos deixamos unha pequena mostra das activdades de xaneiro e febreiro dos Recreos Cheos de Vida!! Agardamos que vos gusten!!

Ata a próxima!!

Deporte adaptado con Enki!

O pasado luns, 19 de febreiro, o alumnado de 4º, 5º e 6º do cole tivo a gran sorte de estar con persoas da asociación Enki, a cal nos achegou   ao mundo do deporte adaptado, da importancia da empatía, da valoración do deporte como exemplo de superación.  Esta visita ao noso cole complementarase indo nos vindeiros días a Pontevedra a participar nunha xornada de deporte adaptado.

Dende aquí queremos darlles as grazas por acompañarnos e a enoraboa polo seu proxecto en Ocio e deporte  inclusivo  que están levando acabo!!

Celebración do Día da Paz! Non pises os meus dereitos!!

Ola blogueiros e blogueiras!!

O pasado martes, 30 de xaneiro, celebramos o Día da Paz. Comezamos coa lectura do manifesto, a continuación bailamos todos a Samba da Paz ó redor da Pomba Olimpica , e finalmente por aulas visitaron a exposición das investigacións realizadas creando o mural "Non pises os meus dereitos".

Baixo o lema "Non pises os meus dereitos" os nenos e nenas de Primaria estiveron facendo unhas pescudas moi interesantes!! Esta actividade, seguindo o proxecto de centro (Ponte Olimpiadas) consistiu en que cada curso estivo buscando sobre deportistas aos que vulneraron os seus dereitos: James Owens, Alice Coachman, Lilí Álvarez, Kathrine Switzer, Michael Jordan, Louise e Tidye Anne, Vinicius JR ou Caster Semenya.

Aquí podedes ver unha mostra dos traballos realizados:

Ata outra!!

Día do Chándal!

Ola a tod@s!

Este luns 22 de xaneiro celebramos no cole o Día Internacional do Chándal, dada a súa relación co proxecto de centro deste ano: As PONTE OLIMPIADAS! 

Para esta ocasión escollemos unhas palabriñas moi escondidas como podereces ver a continuación pero con moito fundamento:

T

Xa as atopastes verdade!!

Ademais de profundizar un pouquiño sobre o chándal e ver a súa orixe, repercusión en diferentes ámbitos (cine, moda, música, deportistas...), todo o alumnado de Infantil e Primaria participou nunha investigación moi ligada coas olimpiadas, as mascotas olimpicas, tal e como podedes comprobar a continuación:

Grazas por participar!!

Ata a próxima!!