OBRADOIRO para as familias: A forza da risa!

 Ola a tod@s!

O pasado mércores, no CEIP de Ponte Sampaio puidemos contar con Baia Fernández, grazas a colaboración coa ANPA. Nesta ocasión con outros destinatarios: as familias.

O obradoiro tiña por título A forza da risa: saúde, conexión e benestar. Unha charla obradoiro onde puidemos conectar co noso interior e ver os grandes beneficios que ten a risa e o noso benestar.

Ademais para facilitar a conciliación familiar levouse a cabo unha sesión de cine organizada polo alumnado de 6º. 

Grazas a todas as familias por participar!

OBRADOIRO DE FOTOGRAFÍA: O espello de Claude!

 Ola de novo blogueiros e blogueiras!!

Nesta ocasión @s nos@s protagonistas foron o alumnado de 5º e 6º de Ed. Primaria do CEIP de Ponte Sampaio.

O pasado martes, comezaron o laboratorio de Fotografía "O espello de Claude" con Fuco Reyes, dentro das actividades de AFundación. Esta actividade conta con 5 sesións no propio cole e ten como obxectivo explorar desde a fotografía aspectos clave na etapa da adolescencia como construcción da identidade, a autoimaxe, a autoestima, a xestión das emocións e a motivación.

Este é un pequeno anticipo! Xa vos vamos contando os nosos resultados!

Ata a próxima!

OBRADOIRO DAS EMOCIÓNS CON Baia!

 Ola!

Continuamos cos obradoiros sobre as emocións, que estamos a realizar con Baia Fernández. Nesta ocasión comezamos co alumnado de Ed. Infantil de Ponte Samapaio. Para iso fixeron varias dinámicas nas que puidemos experimentar a través da música e da expresión artística diferentes emocións:

Logo continuamos coas sesións do alumnado de 1º e 2º que puido coñecer unha nova emoción; a rabia, cerrando así o bloque de emocións amigas.

Grazas a tod@s!

OBRADOIRO DE GALLETAS

 Ola de novo blogueiros e blogueiras,

Nesta ocasión, quermos contarvos o novo obradoiro que fixemos na aula de PT co alumnado de 6º do CEIP de Ponte Sampaio. A idea partiu dunha receita proporcionada por unhas alumnas do 6º curso, a compra realizarona un alumno e unha alumna deste mesmo curso e finalmente puxémola en marcha para dar a probar esas galletas ao resto dos compañeiros e compañeiras. 

A partir deste tipo de actividades podemos traballar moitas cousas e dun xeito mais competencial (texto instructivo e as súas características, cantidades, unidades de medida, competencias para a vida cotía: manexo do diñeiro, ir a compra, seguir instruccións, elaboración da receita, manexo dos utensilios de cociña ...) e ao mesmo tempo é unha fantástica ocasión para aprender!

Grazas pola vosa proposta!

OBRADOIRO Emocións Amigas

Ola bloguieros e blogueiras,

O alumnado de 1º e 2º de Ed. Primaria está realizando uns obradoiros impartidos por Baia Fernández de la Torre baixo o título de "Emocións amigas", onde nos presentará as emocións: o medo, a tristeza e a rabia.

Na primeira sesión o alumnado coñeceu O MEDO. A continuación tedes unha pequena mostra das diferentes dinámicas que se levaron a cabo:

Na segunda sesión foi a quenda da TRISTEZA, na que tamén puidemos experimentar esta emoción e como poder xestionala.

Presentamos e reflexionamos sobre a emoción:

A continuación podedes vernos facendo unha pausa activa para captar de novo a atención:

Fixemos unha dinámica na que tivemos que sentir a perda do noso:

Con esa "perda do noso" tamén creamos outras oportunidades que nos axudaron a saír adiante:

Grazas a tod@s por participar e a Baia por achegarnos dun xeito tan vivencial algo tan complexo como son as emocións!!

Celebración Día da Paz

Ola blogueiros e blogueiras,

Durante a semana pasada, no CEIP de Ponte Sampaio, estivemos traballando máis a fondo aspectos relacionados coa celebración do Día Internacional da Paz e non violencia. Para iso fixéronse diferentes actividades: preparación dun stand con propostas da biblioteca para ler; decoración dos corredores; preparación do mural; lecturas comprensivas sobre a solidaridade, tolerancia... así como xogos propostos dende o o equipo TIC.

Estaba tamén preparada unha Andaina Artística e Solidaria pero por condicións climáticas non puidemos facela, queda pendente de fixar data. 

O que si puidemos celebrar o venres, 30 de xaneiro, un ano máis un guiño a unha convivencia pacífica. Para iso, o alumnado de 6º fixo a apertura do acto, lendo un manifesto. Continuamos cantando e bailando a canción elexida (Heal the world - de Michael Jackson). Así mesmo, tamén se fixo a recaudación solidaria a favor de Save the Children destinado aos programas de educación e nutrición desta asociación. GRAZAS A TODOS E A TODAS POR COLABORAR!!

                  

Así mesmo, aproveitamos para que o noso mural tivera unha técnica artística, nesta ocasión baseada na técnica mosaico de Xulio Ferreiro, aquí podedes ver unha noticia onde vos fala deste artista. E nesta ocasión fixemos unha especial mención para María Corina Machado, galardoada polo premio da Paz 2025.

Tedes máis información no noso instangram do cole.

Grazas a todos e a todas por participar!

Xornada Conta con Nós co alumnado de 4º de Primaria.

 Ola blogueiros e blogueiras,

Nesta ocasión comentarvos que hoxe continuamos cos obradoiros no programa Conta con Nós, que leva a cabo Cruz Roja coa colaboración da Deputación de Pontevedra. Este programa ten como finalidade promover a sensibilización e a prevención relacionadas con esta cuestión para fortalecer e manter o benestar emocional saudable.

O obradoiro foi levado a cabo por Nico, Juan Carlos e Miguel os cales estiveron co alumnado de 4º curso de Ed. Primaria, onde a través de diferentes dinámicas falaron da importancia das emocións e de técnicas para poder xestionalas, a través do "botón de pausa", "a respiración profunda"ou un "paso atrás".

Tivemos partes expositivas onde o alumnado puido intervir e participar en difernetes momentos e espazos.

Puidemos ver algunhas curtas moi emocionantes como a presentación das emocións ou da capacidade que temos para contaxiar as propias emocións (aquí podedes ver como se contaxia a risa).

Comentaron as diferentes estratexias como pararnos a pensar en como estamos manifestando esa emoción e como utilizar o semáforo das emocións para baixar a intensidade da mesma.

Probamos a relaxarnos a través da respiración profunda.

E probamos o cuencos tibetanos!!

Moitas grazas por vir!!